ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑏᑦ ᑲᒪᔨᐅᕗᑦ ᐱᓕᕆᐊᔅᓴᓂᒃ ᐱᔨᑦᑎᕋᐅᑎᓂᓪᓗᒃ ᐃᑲᔪᖅᑐᐃᔾᔪᑎᐅᔪᓂᒃ ᓄᓇᕗᑦ ᓄᓇᓕᖏᓐᓄᑦ. ᑕᒪᒃᑯᐊ ᐱᕙᓪᓕᐊᑎᑦᑎᒐᓱᓐᓂᐅᔪᒧᑦ ᐃᓕᓐᓂᐊᑎᑦᑎᓂᕐᒥᓪᓗ ᕼᐊᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂ, ᐱᓕᕆᐊᔅᓴᓂᓪᓗ ᑮᓇᐅᔭᓂᓪᓗ ᓄᓇᓕᓐᓂᑦ ᐱᐅᓯᕚᓪᓕᕈᑎᔅᓴᐅᔪᓂᒃ ᓄᓇᓖᑦ ᐊᐅᓚᓂᖃᑦᑎᐊᖁᓪᓗᒋᑦ ᓴᖅᑮᓂᖏᓐᓂ ᐊᒻᒪᓚᒃᑯᑦ ᐃᑲᔪᕐᓂᖏᓐᓂ.
ᓄᓇᓕᓐᓂᓪᓗ ᐱᔨᑦᑎᕋᕐᓗᑎᒃ, ᓄᓇᓕᓐᓂ ᐱᔨᑦᑎᕋᕐᓂᖏᑦ ᓱᓇᒃᑯᑖᕐᓂᒃ ᕿᑎᖓᓃᑦᑐᑎᒃ ᓄᓇᕗᑦ ᒐᕙᒪᒃᑯᖏᓐᓂᒪ ᐱᖃᓯᐅᑎᓪᓗᒋᑦ ᑳᓐᑐᓛᑦ, ᓂᐅᕕᕐᓂᖅ, ᑎᑎᕋᖅᑕᐅᓂᖏᓐᓄᑦ ᐱᖁᑎᓂᓪᓗ ᐊᐅᓚᑦᑎᓂᕐᒧᑦ,. ᑕᒪᒃᑯᐊ ᖃᕋᓴᐅᔭᒃᑰᖓᔪᑦ ᐊᒻᒪᓗ ᐊᐅᓚᑕᐅᓪᓗᑎᒃ ᐃᖅᑲᓇᐃᔭᕐᕕᓕᒫᓐᓂᒃ. ᖃᕋᓴᐅᔭᒃᑯᑦ ᐃᑲᔪᕈᓐᓇᖅᑐᑎᒃ ᑲᒪᒃᑯᓂᖓ ᐊᑭᑐᔫᑎᓄᑦ ᓴᓇᔭᐅᒋᐊᖃᕐᓂᖏᓐᓄᑦ ᐊᒻᒪᓗ ᐊᐅᓚᑕᐅᒋᐊᖃᕐᓂᖏᓐᓄᑦ ᐱᖁᑏᑦ.
ᓄᓇᓕᓐᓂᑦ ᐱᔨᑦᑎᕋᐅᑏᑦ ᑲᒪᒻᒥᔪᑦ ᐅᐊᔭᒨᖅᑐᓂᒃ ᐊᐅᓚᐅᑎᓂᓪᓗ ᖃᐅᔨᓴᖃᑦᑕᖅᑐᑎᒃ ᐃᓪᓗᓂᒃ ᐊᒻᒪᓗ ᖃᑦᑎᕆᔨᒃᑯᑦ ᐊᓪᓚᕕᖓᓐᓂ. ᑕᒪᒃᑯᐊ ᑐᑭᒧᐊᖅᑕᐅᕙᑦᑐᑎᒃ ᑐᐊᕕᓐᓇᖅᑐᓕᕆᓂᕐᒥᑦ ᐊᐅᓚᑕᐅᓂᖏᑦ ᑐᐊᕕᓐᓇᖅᑐᓂᒃ ᐸᖅᓴᐃᒋᐊᖃᕐᓂᖏᓐᓄᑦ ᑐᐊᕕᕐᓇᖅᑐᓂᓪᓗ ᐸᕐᓇᓂᕐᒧᑦ. ᐃᓕᓐᓂᐊᑎᑦᑎᖃᑦᑕᖅᑐᑎᒃ ᐃᑭᑦᑐᓄᑦ ᑐᐊᕕᕐᓇᖅᑐᓄᓪᓗ ᖃᓄᖅ ᑲᒪᒋᐊᖃᕐᓂᖏᓐᓂ.